撰寫CV時常犯嘅十大低級錯誤
臨近年尾，大家都開始預備自己嘅CV，等到新一年一拎完bonus 就即閃人！CV寫得好唔好絕對係拎唔拎到面試機會嘅關鍵~ 你係撰寫CV個陣又有冇留意清楚自己有冇踩中CV嘅一啲地雷呢？即刻向右掃，check下自己過往有冇呢d問題啦～
- 聯絡資料唔齊
通常HR睇完你份CV，如果覺得你可能係佢地職位嘅合適人選，想同你詳細傾下或者俾interview你，都會直接打電話， 如果你俾漏電話號碼，HR只可以send email俾你，而你未必留意到，可能就咁白白miss咗個機會！ 如果仲串錯埋個電郵地址嘅話，真係上帝都幫你唔到呀…所以入面嘅聯絡資料真係要check清楚，話哂搵工個段時間都係大量send cv出去，見啱就send，如果寫錯/ 寫漏，真係分分鐘唔止損失一個機會～
- 奇怪嘅電郵地址
唔好用啲太玩味太casual 嘅電郵地址，例如Peterloveyou1314@xxxxx.com，俾人感覺唔夠專業。另外盡量都唔好用學校/公司嘅電郵，避免令到應徵嘅公司有種唔備受尊重嘅感覺！
- 長篇大論嘅個人簡介
個人簡介太多字，篇幅太長，HR好難搵到重點， 應以精簡為主，英文簡介大約100-150字到，而中文則大約200-250字左右就最合適，HR可以快速掌握到你嘅技能同埋經驗，更快判斷你嘅合適程度～
- 加入與應徵職位無關嘅事項
擺一啲唔相關嘅內容入CV，只會俾人感覺你唔夠經驗，要利用呢啲內容去充撐場面，盡量列出一啲有助勝任依加應徵職位嘅工作經驗/過往成就，如果一定要加一啲比較無關嘅內容，可以將佢地放到最後～
- 誇大自己技能
雖然搵工要盡量突出自己嘅優勢，但係如果過份誇大自己嘅能力之餘，冇相關實例或者數字支持，HR會覺得你唔夠真誠，得把口，令人難以信服你嘅能力！所以係CV講解自己嘅工作經驗個陣多啲提供實質例子同數字，增加說服力！
- 用詞不當
用一啲比較中立嘅詞語，例如 involve、 take part in，HR會較難理解你喺依加嘅工作參與嘅程度，如果你係管理層級別，可以用番一啲比較主動同進取嘅詞語，好似conduct、in charge of 等等，如果你係聽人指示嗰一個，可以根據番自己嘅職責，用啲直接嘅詞彙去表達，例如implement、provide、plan，令HR可以即時了解到你係依加間公司擔任嘅角色～
- 文法不當/串錯字
Send cv出去之前記得記得要檢查，文法不當表示你能力不足，而串錯字會令人覺得你粗心大意，對於應徵呢件事唔夠著緊，預備不足。
- 冇列明期望薪金同到職日
大多數公司請人既時候都會關注呢兩點， 睇下你提出嘅薪金係咪佢地可接受嘅範圍內同埋視乎聘請人手嘅緊急程度，參考呢兩點去進行篩選，如果CV冇提及呢兩點，除非你係好合適嘅人選，如果唔係嘅話HR分分鐘直接skip咗你份profile。
- 放個人相
樣貌條件都幾主觀，除非招聘廣告列明，盡量都唔好放個人相，避免有唔公平嘅情況出現。如果一定要加，就留意番相片入面你嘅衣著同妝容，避免太過隨意，同埋過度修圖，留低個壞印象！
- word檔嘅CV
將CV儲存成word檔，HR開個陣格式可能會走樣，難以閱讀入面嘅內容，影響印象，相反儲存成PDF，可以確保格式保持一致，清晰可見！
-min.png)
