HONG KONG
Email: admin@npsl.com.hk
.png)
隨住幾年前疫情爆發同埋通訊科技越黎越發達，好多公司對面試模式嘅睇法唔同咗，轉向使用視像面試，唔再局限喺面對面咁單一嘅方式，而面試者都要慢慢適應呢啲形式嘅改變，咁到底喺視像面試有冇咩需要注意呢？有咩技巧又可以運用到？
由於唔係面對面嘅模式，預備「貓紙」係可以接受嘅，面試者可以事先將準備好嘅答案以Point Form記低係「貓紙」，再放喺近鏡頭嘅位置，以免望「貓紙」個陣眼神太過遊離，留低唔好印象！
如果你唔習慣視像面試，盡量事前對住鏡頭練習多幾次，可以確保自己面試當日神態同語速更自然，同面試官有足夠嘅眼神接觸，表現得更加從容。另外，亦可以喺練習過程中錄影，翻睇嗰陣可以留意自己緊張個陣有冇啲小動作，再作出改善。
面試之前檢查清楚自己使用嘅電子儀器，例如電話或者手提電腦，有冇足夠嘅電源、 收音係咪清晰、有冇穩定嘅連線！另外，確保自己面試位置係一個安靜、整齊而整潔、冇乜私人嘢、而且光線充足嘅地方！
視像同face-to-face嘅面試一樣，衣著都需要注意翻，盡量著翻Business formal或者Business casual類型，俾人感覺你已經準備好投入職場。
面試之前檢查清楚自己喺該平台設定嘅名稱係唔係足夠專業，切忌用一啲太casual嘅名字/花名等。
